តើអ្នកជាប្រភេទក្រុមអ្នកចូលចិត្តការផ្សងព្រេងឬទេ?

អ្នកស្រី Helen Fisher បានធ្វើការស្រាវជ្រាវមួយដែលទាក់ទាញការចាប់អារម្មណ៍ពីសំណាកអ្នកនៅលីវ។ នៅក្នុងសៀវភៅ Why Him? Why Her? អ្នកស្រីបានបែងចែកមនុស្សជាបួនក្រុម។ អ្នកផ្សងព្រង(Explorers), Builders, Directors, Negotiators។

អ្នកស្រីបានបកស្រាយថាតើក្រុមណាគួរៀបការជាមួយក្រុមណាទើបជិវិតមានក្តីសុខ។

អ្នកមានប្រភេទចូលចិត្តការផ្សងព្រេង ពួកគេចូលចិត្តសេរីភាព មិនចូលចិត្តការដាក់វិន័យ មិនចូលចិត្តជជែករឿងលុយកាក ជាមនុស្សចូលចិត្តសាកអ្វីដែលថ្មី ហើយប្លែក(អ្នកស្រីលើកឡើងពីទីកន្លែង ដៃគូស្នេហា ការងារ...)។

អ្នកមានចរិក ផ្សងព្រេងមិនចូលចិត្ត ភាពយឺតយ៉ាវ ត្រុកៗ ហើយអ្នកប្រភេទនេះ ច្រើនមានការខឹងក្រោធព្រោះអ្នកដទៃធ្វើអ្វីមួយមិនដូចបំណងរបសខ្លួន។ អ្នកមានចរិតផ្សងព្រេង មិនចូលចិត្តអ្វីដែលសាំញាំដដែលៗ ដែលធ្វើអោយគេឆាប់ធុញ។

អ្នកស្រីបានលើកឧទាហណ៍របស់លោកប្រធានាធិបតីអាមេរិក  John F. Kennedy “You  could do anything to him—steal his wallet, insult him, argue with him—but to bore him was unpardonable.”

អ្នកមានចរិតផ្សងព្រេង មិនចូលចិត្តមើលទូរទស្សន៍។ ពួកគេមិនចូលចិត្តផ្តោតលើអ្វីយូពេកនោះទេ លុះត្រាតែរឿងនោះវាសំខាន់ណាស់សម្រាប់ពួកគេ។ ពួកគេចូលចិត្ត ពន្យាការងារបស់ពួកគេ ព្រោះ ក្រុមប្រភេទនេះចូលចិត្តធ្វើអ្វីពីនេះពីនោះ រឿងដែលគេចាប់អារម្មណ៍ តែមិនមែនការងារដែលមាន deadline នោះទេ។ (មិនបាច់ឆ្ងល់ទេ កិច្ចការសាលានៅគរមិនធ្វើបែរជាយកពេលមកអានសៀវភៅ ហើយសរសេរយ៉ាងច្រើនលើហ្វេសប៊ុក)

អ្នកផ្សងព្រេង ជាប្រភេទមនុស្ស មានគំនិតច្នៃប្រឌិត ឆ្លាត ចង់ចេះចង់ដឹងអ្វីដែលថ្មី ហើយជាមនុស្សឯករាជ្យ។

អ្នកចូលចិត្តផ្សងព្រេង ប្រសិនបើគេញៀននឹងអ្វីមួយច្បាស់ជាវក់និងវាដកចិត្តមិនបាន ឧទាហណ៍ ញៀនស្រី ស្រា ឬល្បែង។

តាមការស្រាវជ្រាវ អ្នកផ្សងព្រេង បើរៀបការជាមួយអ្នកផ្សងព្រេង ជីវិតអាចនិងសប្បាយ។ ប៉ុន្តែអ្នកស្រីបានផ្តល់យោបល់ថា ជាមួយក្រុមប្រភេទអ្នកមានចរិតផ្សងព្រេង កុំងាយលង់នឹងស្រលាញ់ពេកព្រោះក្រុមនេះងាយនឹងការបែកចិត្ត។ ពួកគេឆាប់ ឆ្អែតឆ្អន់ជាមួយអ្វីដែលចាស់ៗដដែលៗ ហើយទៅរកអ្វីដែលថ្មី។

ប៉ុន្តែប្រសិនបើក្រុមនេះអាចរកបានដៃគូស្នេហាដែលស្មោះត្រង់ និងដាក់ចិត្តដាក់កាយរួមរស់ជាមួយគ្នា ជីវិតរបស់ពួកគេ និងសប្បាយរីករាយ និងជោគជ័យ។

បញ្ជាក់៖ ខ្ញុំលើកយកតែចំនុចរបស់ប្រភេទអ្នកផ្សងព្រេងព្រោះខ្ញុំគិតថាខ្លួនឯងចូលក្នុងប្រភេទនេះ។ ចំពោះចំនុចផ្សេងទៀត សូមធ្វើការអានសៀវភៅរបស់អ្នកស្រីដែលអាចដោនឡតបានតាមអ៊ីនធឺណែត។

ប្រភព៖ Helen Fisher(2009): Why Him? Why Her?
រូបភាព៖  ថ្ងៃលិចថតម្សិលមិញ។

ក្រាំងរលួស ស្រុកកំណើត
២៥ មករា ២០២០